عشگتک یاعلی

عشگتك ياعلي وحبك سكن بالروح ***وبنص الگلب حبك صبح مصدر
وصارت دگته مره يبو الحسنين ***ومره تصيح داحي الباب ياحيدر
من زغري هويتك يا امام الناس ***واصبح بالگلب هسه هواك اكبر
امير المؤمنين وتاج فوگ الراس ***والعاداك صدگ سيدي يخسر
لان حبك فریضه انكتبت اعله الناس ***والماحب علي لاخير يتنطر
لان الخير انته وبيك رحمه ونور***بارينه شهدلك يا اسد خيبر
ياعروة الوثقى ويامعز الدين ***ياحامي الدخيل وبالشدد تحضر
ياعترة محمد يابطل صفين ***يالبيك المعارك سيدي تفخر
يازوج البتول وناصر المظلوم ***يمن تاج العداله بنورك تنور
تحت عرش الاله الخالق الجبار ***اسمك ويه اصحاب الكساء يذكر
لو كل البشر حبت علي الكرار***چان النار يوم الحشر ماتسعر
يانفس النبي وباب العلم والدين ***طبعك زاهد وبالدنيا ما تنغر
يادر ياذهب صديق يافاروق***ياشجرة كرامه وبالصبر تزهر
مثل صبرك يحيدر ماصبر مخلوق ***من صبر النبي المختار تتصبر
ياسر الاله وياعمود الدين *** بسمك ياعلي يندفع كل الشر
عن ولايتك ماننتحي مولاي ***وعن زيارتك مايوم نتأخر
حبيناك عالفطره يداحي الباب***وعلى حبك نموت ونحيى ياحيدر
جنه من الجحيم اسمك يبو الحسنين***ومن فوك الصراط بصايتك نعبر
ياقوت الفقير ووالد الايتام *** يمن كل عين تنظر هيبتك تنسر
اريد اطلب طلب بالخاتمه مولاي***شفيع انريدك النه هناك بالمحشر



الله یعطی شاعر القصیده العافیه
شفت القصیده فی احد المنتدیات بس ماعرفت اسم الشاعر
رجاء من یعرف شاعر یخبرنه


منقول