با لحسين معا دلتي موزونه

بسم الله الرحمن الرحيم

اللهم صلِ على محمد وآل محمد

وعجل الله فرج قائم آل محمد





سيدي هذه ابيات

الحب والولاء الذي بك يتجدد .. والذي بدونك عهده ينتهي

لتخط اناملي كلمات تخرج من قلبي على شاطئ كربلائي



فــــــــــــأقول



يقولون واحد زائد واحد يصيرن اثنين

أنالوجمعت مليون واحد صارن كلهن حسين

جمعت كل حب وهيام وغرام الولهانين

والناتج عندي بعد جمعي هو بس حسين



عفت الجمع وطرحت الهم والحزن والأنين

شفت هم الطرح يوديني لغرام حسين

سألته وقلت شلوني ياطرح قال يامسكين

الناتج هم بعدطرحك هو بس حسين



سرت بمعادلتي وضربت اثنين في اثنين

تعجبت وحترت في فكري شلون صارن حسين

عجيبه هذا العدد وإلا الوله مني والحنين

هم عندي طلع ناتج واحد وهو بس حسين



طنشت فكري وقلبي وصرت اقسم قسمين

قلت هذه مو رموز هذا مني وحق الحسين

هذا قلبي صار عابس وأخذ يرسم رسمين

والعجيب شلون بالقسمه طلعت هم حسين



عجيب هذا الإسم بقلبي شلون مايقبل قسمين

بجمع وطرح وضرب وقسمه صارن حسين

يعني انا لو أجيب لقلبي جذر او حتى جذرين

ولو مربع كل هايم يطلع عندي هم بس حسين



يافيلسوف المعادله خليت الدمع صار بالعين

هذه معادلة قلبي موزونه تساوي كلها حسين

قرب ياأكبر فهيم وحل منهن معادله او معادلتين

شلون قلبي بمعادلته طلع عنده الناتج هو حسين



لاتدعي الفهم والفكر والبلاغه والتفنين

أنت لو تعرف بحياتك منهو بس حسين !!

كان قلت ياعمي دور من غيري مليونين

انا الناتج عندي هم بس حسين

انا الناتج عندي هم بس حسين



السلام عليك ياأبا عبدالله الحسين


منقوله للأ خت
صدريه حــ ك و ـتى الموت