وَحَكَك ياصَدِر بَعدَ الجِفَن موجود

توجه اعلى الكَبُر وجروحه تِدي وصاحت دمعِته إكَعِد ولينه
اجيتك والجروح اهواي ماتنعد اجيتك جاليتيم ودمعِته بعينه
جروحي بالدمِع تجوه كل يوم ويلجمني اليتيم من اسمع اونينه
ثِكِل حملي اوحيد بوسط شمات وما واحد فزعلي وكَال خنعينه
بس واحد تِحزم ونيته لله وصاح بهل وطن كلنا تربينه
هذا ابنك صدرنا صاحِب الكلفات شبجها جفوف إيده وي ايدينه
وماخاف المنيه وحارب امريكان وثورة مُقتدى بالدِمه خَطينه
وتشهدله النجف والبصره اوذيقار إله تشهِد ياصدِر حرب المدينه
ولامره تِخله وطرد مظلوم وتِراجع عن حقيقه وكَال ملينه
سيد مقتدى بيه كَرة العين كَلبه اعلى العراق يكَطر حنينه
لاكن ياصدر بالموطن اذياب همها مو شعَب بس تفترِس بينه
وبنك مُقتدى متخليه عن الكوم وانصار الامس صارو عدو لينه
انشقو ياصدر من أجل دنيا ومال ويردون الكراسي التحكم اعلينه
إكَعِد ياصَدِر وانصحها هاي الكُوم وبلكي الهل شعب إترِد موازينه
وحكَك ياصدِر بعدَ الجِفن موجود أُوعِصَاتَك عِراق إتوجه والينه
عِراقك ياصدِر ويم كَبرك تعنيت يوم الطُبكَ جِفنك تدري ذَلينه